काठमाडौं । राष्ट्रिय प्रजातन्त्र पार्टीका अध्यक्ष कमल थापाले ‘गैर सांसद’को सहभागिताले ’परमादेश’ लेनदेनको आधारमा भएको प्रमाणित भएको बताएका छन् ।
शुक्रबार मन्त्रिपरिषदमा गैरसांसद गजेन्द्र हमाललाई आपूर्तिमन्त्री नियुक्त गरेपछि अध्यक्ष थापाले यसबाट परमादेश लेनदेनका आधारमा प्रमाणित भएको बताएका हुन् ।
उनले भनेका छन्, ‘वर्तमान गठबन्धन मन्त्रिपरिषदमा एक ‘गैर सांसद’को सहभागिताले ‘परमादेश’ लेनदेनको आधारमा भएको प्रमाणित भएको छ । न्यायपालिकाको विश्वसनीयतामा अपूरणीय क्षति भयो । कानुनी राज्यको अवधारणा र लोकतन्त्रको चीरहरण भएको छ । गठबन्धन नाङ्गो भएको छ । प्रधानन्यायाधीशले पदमा रहने नैतिकता गुमाउनु भयो ।’
प्रधानन्यायाधीश चालेन्द्र शम्सेर जबराले मन्त्रिपरिषदमा भाग खोजेको सामाचार केही दिन सार्वजनिक भएको थियो । तर प्रधानन्यायाधीशले त्यस्तो समाचारमा सत्यता नभएको प्रष्टीकरण दिएका थिए ।
त्यस्तै उनले सर्वोच्च अदालत बार एसोसिएसनका पदाधिकारीहरुसँग भएको भेटमा प्रधानन्यायाधीश जबराले हमाल शेरबहादुर सरहको कांग्रेसको नेता भएको दाबी गरेका थिए । देउवाले कांग्रेस प्रजातान्त्रिक बनाउँदा बाँके सभापति बनेका हमाल पछिल्लो समय सक्रिय राजनीतिमै थिएनन् ।
वर्तमान गठबन्धन मन्त्रिपरिषदमा एक “गैर सांसद”को सहभागिताले ‘परमादेश’ लेनदेनको आधारमा भएको प्रमाणित भएको छ। न्यायपालिकाको विश्वसनीयतामा अपुरणीय क्षति भयो।कानुनी राज्यको अवधारणा र लोकतन्त्रको चिरहरण भएको छ।गठबन्धन नाङ्गो भएको छ।प्रधानन्यायाधीशले पदमा रहने नैतिकता गुमाउनु भयो
— Kamal Thapa (@KTnepal) October 8, 2021
