USAID

एमालेले संस्थागत निर्णय गरी फ्लोरमा बसेर प्रधानमन्त्रीलाई विश्वासको मत दिनुपर्छः रामकुमारी झाँक्री


काठमाडौं । नेकपा एमालेकी नेतृ रामकुमारी झाँक्रीले प्रधानमन्त्री शेरबहादुर देउवाको विश्वासको मतको पक्षमा भोट हाल्ने बताएकी छन् ।

आइतबार सामाजिक संजालमार्फत झाँक्रीले संसदलाई पूर्ण समय चल्न दिन आफूहरुले विश्वासको मतको पक्षमा भोट हाल्ने बताएकी हुन् ।

उनले भनेकी छन्, ‘हामीले ७६(५) को प्रमको लागि संधीय संसदका माननीय सदस्य माननीय शेरबहादुर देउवालाई समर्थन गरेका थियौँ। १४९ जनाको समर्थन हुँदा पनि राष्ट्रपतिबाट नियुक्ति नभएपछि १४६ जना सदस्यहरू सर्वोच्च अदालतको ढोका ढकढकाउन पुगेका हौँ। अदालतले परमादेशको आदेश जारी गरेपछि बनेको सरकार र प्रधानमन्त्रीलाई विश्वासको मत दिनु हाम्रो कर्तव्य हो । सकिन्छ नेकपा एमालेले संस्थागत निर्णय गरी फ्लोरमा बसेर विश्वासको मतको पक्षमा भोट हालौँ। त्यसो गर्न सकिदैन भने सांसदहरूलाई संसदको पुरा कार्यकाल संचालन गर्न हामी सबैले विवेक प्रयोग गरी पक्षमा भोट हालौं। यदि त्यो पनि भएन भने हामी २३ जना निवेदककर्ताले भोट हाल्नु त हाम्रो कर्तव्य नै हो। हामीले विश्वासको मतको पक्षमा भोट हाल्नेछौं।’ प्रधानमन्त्री देउवाले आजको संसद बैठकमा विश्वासको मत लिँदैछन् ।


CivActsAd

Leave a Reply

Your email address will not be published. Required fields are marked *