काठमाडौँ । पूर्व प्रधानमन्त्री डा बाबुराम भट्टराईले अस्पतालमा अक्सिजन सिलिन्डर, भेन्टिलेटर लगायत आवश्यक सामाग्रीको युद्धस्तरमा जोहो गर्न अपिल गरेका छन् ।
जनता समाजवादी पार्टी नेपालका संघीय परिषद् अध्यक्षसमेत रहेको डा भट्टराईले शनिवार राति एक ट्वीट गर्दै मुलुकको अहिलेको पहिलो प्राथमिकता कोरोनाको दोस्रो लहरबाट जनताको जीवन रक्षा भएको बताएका हुन् ।
उनले भारतीय सीमानामा आवश्यक व्यवस्थापन गर्न समेत सरकारसँग आग्रह गरेका छन् ।
‘अस्पतालमा अक्सिजन सिलिन्डर,भेन्टिलेटर लगायत आवस्यक सामाग्रीको युद्धस्तरमा जोहो गरौं । राममन्दिर, पशुपतिका गजूर, भ्यूटावर, धरहरा बनाउॅदै गरौंला!’ डा भट्टराईले लेखेका छन्, ‘कोभिड-१९को घातक दोश्रो लहरबाट जीवनरक्षा आजको पैलो राष्ट्रिय प्राथमिकता हो ! विश्वको हटस्पट बनेको भारतसंगको खुला सीमानामा आवस्यक व्यवस्थापन गरौं ।’
कोभिड-१९को घातक दोश्रो लहरबाट जीवनरक्षा आजको पैलो राष्ट्रिय प्राथमिकता हो!विश्वको हटस्पट बनेको भारतसंगको खुला सीमानामा आवस्यक व्यवस्थापन गरौं।अस्पतालमा अक्सिजन सिलिन्डर,भेन्टिलेटर लगायत आवस्यक सामाग्रीको युद्धस्तरमा जोहो गरौं।राममन्दिर,पशुपतिका गजूर,भ्यूटावर,धरहरा बनाउॅदै गरौंला!
— Baburam Bhattarai (@brb1954) April 24, 2021
