USAID

नेप्सेमा दोहोरो अङ्कको वृद्धि

  • 22
    Shares

काठमाडौं । धितोपत्र बजारमा शेयर कारोवार मापक नेप्से परिसूचक बिहीबार दोहोरो अङ्कले बढेको छ । पछिल्ला दिनमा लगातार ओरालो लागेको नेप्सेमा बिहिबार भने सुधार देखिएको हो ।

नेपाल स्टक एक्सचेञ्जका अनुसार १५.८० अङ्कले बढेर दुई हजार ६४८ मा पुगेको छ । यस्तै, ठूला कम्पनीको शेयर कारोवार मापन गर्ने सेन्सेटिभ परिसूचक ३.२१ अङ्कले बढेर ४७६.६० मा पुगेको छ । कूल २१४ कम्पनकिो एक करोड ३० लाख ३२ हजार ८२३ कित्ता शेयर पाँच अर्ब ९१ करोड ५१ लाख ३९ हजार ८८८ मा खरिद बिक्री भए । बिहिबारको कारोवारपछि बजार पूँजीकरण ३६ खर्ब ६६ अर्ब ६९ करोड ९१ लाख ९० हजार बराबर पुगेको छ ।

कारोवार भएका कूल १३ उपसमूहमध्ये आज दुई उपसमूहको शेयर ओरालो लागे भने ११ उपसमूहका शेयर उकालो लागेका छन् । होटल तथा पर्यटन ५२.९२ र सामूहिक लगानी कोष ०.०६ विन्दुले ओरालो लाग्यो । यस्तै, बैंकिङ ९.२२, व्यापार ११.१२, विकास बैंक ३८.१७, जलविद्यत् ४.९८, वित्त १.४१, निर्जीवन बीमा ११४.९, उत्पादन ४७.२८, अन्य २१.३१, लघुवित्त ५३.१९, जीवन बीमा ११४.०६ र लगानी ०.१७ बिन्दुले उकालो लागेको छ ।

कारोवारका आधारमा एनसिसी बैंक शीर्ष स्थानमा रहेको छ । सो बैंकको ६२ करोड २७ लाख ७९ हजार ८५० बराबरको कारोवार भयो । यस्तै, नेपाल पूर्वाधार बैंक २५ करोड ८७ लाख ४८ हजार ३४८, एनआइसि एशिया लघुवित्त २१ करोड ३५ लाख ७९ हजार, एचआइडिसिएल १९ करोड ५३ लाख ६४ हजार ८७५, नबिल बैंक १६ करोड २२ लाख ५३ हजार ९५७, माथिल्लो तामाकोशी रु १३ करोड ४८ लाख ७५ हजार २००, नागरिक लगानी कोष १२ करोड ४९ लाख ३४ हजार ७६२ र एनआइसि एशिया बैंक ११ करोड २१ लाख ९३ हजार बराबरको कारोवार भई शीर्ष स्थानमा रहे ।

यसैगरी, विशाल बजार कम्पनी र सिन्धु विकास बैंकको शेयरमा समान १० प्रतिशतले वृद्धि हुँदा सकारात्मक सर्किट लाग्यो । महिला लघुवित्त ९.९७, ग्रीन डेभलपमेन्ट बैंक ९.९५, ज्योति लाइफ इन्स्योरेन्स ९.९३, एनसिसी बैंक ९.८४, सप्तकोशी डेभलपमेन्ट बैंक ६.८४, आइएमई जनरल इन्स्योरेन्स ५.५८ र एनआरएन इन्फ्रास्टकचरका लगानीकर्ताले ५.३८ प्रतिशतले कमाए ।

हिमालयन ऊर्जा विकास कम्पनी ३.४४, पञ्चकन्या माई हाइड्रोपावर २.५६, मन्जुश्री फाइनान्स २.४५, हिमाल दोलखा हाइड्रोपावर २.३८, चन्द्रागिरि हिल्स २.२९, नेपाल हाइड्रो डेभलपर २.२३, रिडी हाइड्रोपावर २.२०, गुर्खाज फाइनान्सका लगानीकर्ताले १.७९ प्रतिशतले गुमाएका छन् ।


  • 22
    Shares
CivActsAd

Leave a Reply

Your email address will not be published. Required fields are marked *