राज्यलाई हतियार बुझाउने चौथो बुँदा खोइ प्रधानमन्त्रीज्यू ?

काठमाडौं । नेपाली कांग्रेसले विप्लव नेतृत्वको नेकपा र सरकारबीच भएको सहमतिमा हतियारको कुरा नउठाएको भन्दै प्रश्न गरेको छ । पार्टी प्रवक्ता विश्वप्रकाश शर्माले ट्वीट गर्दै राज्यलाई हतियार बुझाउने चौथो बुँदा खोइ भन्दै प्रश्न गरेका हुन् ।

सरकार र विप्लव समूहबीच भएको तीन बुँदे सहमतिमा हतियार व्यवस्थापनको कुरा उल्लेख गरिएको छैन । प्रवक्त शर्माले लेखेका छन्, ‘प्रचण्ड आउँदा खोलाले बगायो थोरै हतियार, विप्लव आउँदा पुरै ? राज्यलाई हतियार बुझाउने चौथो बुँदा खोइ @PM_Nepal? सिंगो देश चाहन्छ यो गम्भीर प्रश्नको जवाफ !! सहमतिलाई स्वागत । ०२८ मा केपी–सीपी, ०५२ मा प्रचण्ड–बाबुराम, अहिले विप्लव–प्रकाण्ड । रेड बुक, नाम र काम उस्तै, परिणाम उस्तै ! नेपालको पुरै कम्युनिस्ट आन्दोलनलाई आजको मितिमा केवल एक प्रश्न– कम्युनिस्ट दर्शनका नाममा कोहि नेपाली अब मारिने छैनन्,साझा उद्घोष गर्ने बेला भएन कमरेडहरु ?’

Leave a Reply

Your email address will not be published. Required fields are marked *