प्रज्जवल थापा ।
फ्रान्सेली क्लब रेनिसका गोलरक्षक एडुवार्ड मेन्डी इङ्लिस क्लब चेल्सीमा अनुबन्धित भएका छन् । चेल्सीले २८ वर्षीय मेन्डीलाई २२ मिलियन पाउन्डमा ५ वर्षको लागि सम्झौता गरेको बताइएको छ ।
हाल चेल्सीका नम्बर एक गोलरक्षक केपा एरिजाबालगाले पछिल्लो समय खराब प्रदर्शन गरेपछि क्लबले मेन्डीलाई भित्राएको हो । सन् २०१९ मा रेनेसमा अनुबन्ध भएका २८ वर्षे गोल किप्पर मेन्डीले लिग वान क्लबबाट २५ खेल खेलिसकेका छन् ।
प्रिमियर लिगअन्तर्गत आइतबार लिभरपुलविरुद्ध भएको खेलमा दोस्रो गोल केपाकै गल्तीका कारण खाएको थियो । चेल्सीले यसअघि हाकी जियाच, काई हाभर्टज, थियागो सिल्भा, टिमो वेर्नर, बेन चिलवेल र मालाङ सारलाई भित्राइसकेको छ ।
