वीरगञ्ज । प्रदेश नम्वर २ को आर्थिक राजधानी बीरगन्जमा गरिएको कोरोना परीक्षणमा थप १४ जनामा संक्रमण पुष्टि भएको छ।
नारायणी अस्पतालको प्रयोगशालामा गरिएको परीक्षणमा पर्सा, बारा र रौतहटका गरी थप १४ जनामा कोरोना संक्रमण देखिएको अस्पतालका प्रवक्ता डा. अतुलेश चौरसियाले जानकारी दिए।
२ सय ९४ वटा स्वाब परीक्षण गरिएकोमा पर्साका २, बाराका ११ र रौतहटका १ जनामा संक्रमण पुष्टि भएको चौरसियाले बताए।
पर्साको वीरगञ्ज महानगरपालिका वडा नम्बर ४ र १६ मा एक एक जना, रौतहटको कटहरिया नगरपालिका २ मा एक जनामा कोरोना संक्रमण देखिएको हो।
